2 jannewaori Ė 17.00 Ė Omdat de verkooldhied mar niet echt opknapt, bin ík toch mar even naor de dokter west, want ik wil stomme graeg mien wark doen kunnen. Ik hebbe een antibiotica-kure kregen, dat et wodt now temeensen goed anpakt. Ik mag mien optredens wel perberen te doen, mar moet de rest van de tied de stemme wat speren. Ik bin dus begonnen mit et oefenen van verhaelen veur die optredens, mar praote dír niet hadop biíj zoas aanders.
  De kastboom leit weer boven op íe zoolder en mag daor zowat een jaor liggen blieven. En wat de goeie veurnemens anbelangtÖ Die heík nooit zo, want et leven komt toch altied aanders as dají daenken en beprakkeseren kunnen. Mar ik wil van ít jaor wel et eerste heufdstok van een niíje roman schrieven. En ik wil et niet rustiger an doen gaon. Ik gao dus niet in de vut of zok-zo-wat. Dat doen schrievers niet. Die gaon deur tot et bittere aende!

1 jannewaori Ė 17.00 Ė Dír was vannaacht een mooi vuurwark in Et Vene, mar ik hebbe et vanaachter de glaezen bekeken. Ik bin mar niet mit de verkolen huud butendeure gaon. Zodoende bin ík niet deur wildvremde vrouwluden tuut en omhelsd. Dat is vanzels slimme spietig. Et niíje jaor hadde dus opwienender uut aende zetten kund.
  Ik bin een man van regels. Elke niíjjaorsdag hael ik mien acht ammerillen uut de donkere kaemer, potte ze op mit niíje grond en geve ze waeter. En now mar ofwaachten wanneer as de eerste knoppen kommen zullen. In iene van de achte zit trouwens al een knoppe! Dat is een witten iene, die is ieder jaor et vorlikste.
  Op íe radio heurde ík dat twie ooldejaorsstunts van de jongkerels van de Berkoper Geitefok op niks uutlopen binnen. Wat een koekebakkers! Daor zit wel een kollum in, docht ik, en die kollum heík vandemiddag dus maekt. En veerder niks, ik hebbe gien meens zien en mit gieniene praot. En de katte ligt, doodsbenauwd veur de knalderiíje, boven onder mien bedde.

Naor de volgende bladziede - Naor de laeste bladziede 2006