1 jannewaori Ė 16.30 Ė Ik bin de jaorwisseling in Et Vene goed deurkommen. Doe ík dír gisteraovend om even veur zeuven ure henneree was et best mistig, mar doe ík vannaacht weerommekwam was dír gien mist meer te bekennen. Ik hoefde dus niet biíj Haarm en Jacob blieven te slaopen. We hebben netuurlik naor Youp keken en bin nao twaelf ure de weg opgaon en hebben de buurt daore et niíjjaor ofwunnen en mit mekeer naor et vuurwark keken. Mooi!
  Ik zag mezels gister in de jaorlikse ooldejaorsbiíjlaoge van de Liwwadder Kraante, een pagina vol mooi tekende spotplaeties van Frans Faber. Ik hebbe dír in ít verleden wel es eerder in staon, mar now omdaík lessend veur de 2500ste keer argens verteld hebbe. Ik bin mooi tekend en zitte mit een boek in de haand op et mythologische peerd mit vleugels. Pegasus dus, et peerd van de dichters!
  Vandemiddag bin ík naor de studio van Omroep Frieslaand in Liwwadden west. Onderwegens zag ik naost de snelweg, in een lappe laand onder Grouw, vier hatten lopen te weiden. Een mooi gezicht. En ik zag dat dír een protte riedens weren op íe Grouwster iesbaene. Ok mooi! In de studio zat ik tussen twie en drie ure in et pergramme De radio op nŻmer ien van Jan Durk de Haan. Die praotte mit Rein Tolsma en Jan Durk en Rein praotten mit miíj over mien stiekelstokkies-tied biíj de radio. En ik hebbe dír een splinterniíj stiekelstokkien verteld mit de opwienende titel Fietsehokkeseks. Oolde tieden herleefden dus even, de feniks kwam veur even uut de askeÖ Ik vien ít mooi daík dír henne west hebbe. Meensken die thuus naor et pergramme zatten te luusteren konnen ok bellen en reageren. En wie belde dír en kwam zodoende ok even in et pergramme? Webmaster Jan! Veur wie et stiekelstokkien heuren en naolezen wil: et is te beluusteren op dit webstee biíj Beluuster stiekelstokkien op verzuuk en de tekst staot in de rebriek Gelegenhiedsverhaelen. Hieronder een foto van de studio van Omroep Frieslaand.

Naor de volgende bladziede - Naor de laeste bladziede 2008