1 jannewaori 17.20 Veur mien doen wak vandemorgen laete van bedde: kwat over negen. Mar ja, ik raekte vannaacht ok eerst om half drieje in de lappebak. We hebben gister een genoeglike ooldejaorsaovend had in Et Vene mit een protte lekkere happies en zo. Om middernaacht biwwe de straote op gaon, hebben wat volk et nijjaor ofwunnen, en naor et mooie vuurwark keken. Dat et mar een goed en mooi jaor wodden mag!
  Zoas ieder jaor hek vandaege de ammerillen uut et donker haeld, ik hebbe ze nije potgrond geven en flink waeter. Dat now kun de knoppen mar kommen. Iene van de negen, een witten iene, was slim vorlik, die het al bluuid! Vandemiddag hek in Wolvege even bij Jan zien moeder om de hoeke van de deure keken en daor hek een peer bakkies drinken had en lekkere knieperties en rollegies.
  Op e laeste dag van t jaor ston dr een foto van Berkoop in de winter bij mien dagboekstokkien. Op e eerste dag van t jaor ok. Hieronder een foto van Hotel Lunia in de snij.


Naor de volgende bladziede - Naor de laeste bladziede 2009