13 feberwaori 17.00 Gisteraovend laete hek nog een kollum schreven over oonze Halbe uut Oosterwoolde. Oonze Stellingwarver menister van Butenlaanse Zaeken. Now ja, die man heurt vanzels drekt op te stappen.
  Ik mag vanaovend vot te vertellen. Starker: ik mag zes daegen aachter mekeer vot te vertellen... Ik zal vanaovend naor de kristelike plattelaansvrouwluden in Berlikum. Et is in Et Centrum naost de Koepelkarke en ik zal mien uterste best doen en maek dr een mooie aovend van. Ooit, lange leden, op 20 feberwaori 1996, beleefde k in datzelde Berlikum op een aovend tiedens de Friese Boekeweke, in de biebeltheek daore mit Piter Wilkens, mien duzendste optreden... Annie, een vrouw van de oppascentraole was zolange bij mien moeder. Ze zol mar een peer weken laeter naor et ziekenhuus gaon en van daor naor et verpleegtehuus. In Berlikum daenk ik extra an dit soort dingen.
  Hieronder nog meer goold op e Olympische Winterspeulen. Ireen Wst tiedens heur glaansrit op e 1.500 meter. En dan vandemiddag: Kjeld Nuis wun ok goold op zien 1.500 meter! Ik zat vandemiddag veur de tillevisie naor die 1.500 meter te kieken mit een bod stamppot zoerkool en een tippe gelderse wost op e schoot!


Naor de volgende bladziede - Naor de veurige bladziede