9 juli 17.00 Ik hebbe vandaege twie kollums schreven veur de kraante. Now hek weer wat verschiet! Dat is een geruststellend gevuulte, want ik kan niet op et laeste mement een stokkien schrieven. Dat hek nog nooit kund, daor wor ik slimme zenewaachtig van!
  Ik hebbe de literaire thriller Stormnacht van Frode Granhus lezen. Et boek speult op e Lofoten daor Granhus woont en warkt. Et is een mooi en spannend boek. Tiedens een onweersbujje in et drp Reine komt et geraemte van een jonge bloot te liggen. Et ligt dr vermoedelik al zoen vuuftig jaor. Is die jonge indertied verongelokt of vermoord? Dat is de vraoge. Inspekteur Rino Carlsen moet de boel oplossen, mar hoe veerder as hij in et verleden greeft, des te meer as dr veur t locht komt...


Noar de volgende bladziede - Naor de veurige bladziede