23 meie Ė 17.00 Ė Vandemorgen heík henne te stemmen west, mar tot op et laeste mement wus ik niet waor aík op stemmen mos. Ik hebbe zodoende op een pertiíj stemd daor aík nog nooit eerder op stemd hebbe. Ik bin slim veur Europese saemenwarking, mar tegen een Europese superstaot. We moeín wel een betien baos in eigen huus blieven! Omdat et wel lekker weer was, heík Berkoop vandemiddag even ommefietst en een bestelling biíj de Schrieversronte in de brievebusse drokt. Doe ík de fiets in de gerage zette, zag ik een iekmulder over de vloer lopen. Dat kan vanzels niet, dat ik hebbe him op een iekenblad in de bos zet. En now zaík de tasse inpakken, ik gao een peer daegen vot. Dír komt liekewel wel elke dag een dagboekstokkien.
  In een stampvol dichterskefť Eijlders in Amsterdam kwam vleden zundag et boek Minnezinne in moerstaal uut. Erotische poŽzie in tal van streek- en stadstaelen zoas et Drents, Grunnings, Twents, Aachterhoeks, Fries, Westerkertiers, Limburgs, Braobaans, Zeeuws, Westfries, Amsterdams, Deventers, Rotterdams, Utrechts, Haags en ok Vlaams, Zuud-Afrikaans en Sleeswiek-Holsteins. Dír staot ok erotiek in et Stellingwarfs in de bundel. Van Harmen Houtman en Johan Veenstra staot dír een gedicht in. Mit mekeer 52 gedichten. De erotiek spattert dír biíjtieden of! Ik hebbe de bundel al lezen! Een rieke en slim biezundere bundel! Et eerste exemplaor was veur de Dichter des Vaderlands Tsead Bruinja, die in et Fries een gedicht veur de bundel schreven het. Bundels kun besteld wodden via www.riawesterhuis.nl. Hieronder een foto die maekt is deur Frits Muhring. Tsead Bruinja mit et eerste exemplaor van de dichtbundel tussen de beide vrouwluden die de redaktie hadden. Delia Bremer (links) en Ria Westerhuis (rechts) die beide ok erotische gedichten in et Drents veur de bundel schreven hebben.


Naor de veurige bladziede