8 jannewaori – 17.30 – Vandemorgen he’k een ofspraoke maekt mit een ex-rechercheur. Ik zal ankem weke maendagmorgen naor him toe mit vraogen over de roman De rooie griffioen daor a’k mit an de gang bin.
  In et malle weer bin ’k vandemiddag naor Assen west. Daor moch ik in wiekcentrum De MaasStee verhaelen vertellen veur de leden van de seniorenverieninge Assen e.o. Et was een uterst genoeglike middag mit rollegies, want et was heur ni’jjaorsbi’jienkomst. Ik bin now krek deur et nog altied malle weer thuuskommen. Op ’e hennereize was et trouwens echt verschrikkelik. Op ’e Smilde was de locht roetzwat, et regende en et stormde.
  Hool et dagboekstokkien van morgen in de gaten. Dan kom ik mit een prachtige anbieding veur meensken die mien boeken wel mooi vienen. Hieronder nog een foto van vandemiddag. In dit gebouw he’k vandemiddag verteld.


Naor de volgende bladziede - Naor de veurige bladziede