2 december Ė 17.00 Ė In et begin van de middag wodde dír een prachtig boeket roze rozen biíj me bezorgd! Et kwam van de Oson, de onofhaankelike senioreverieninge Berkoop en Niíjhooltpae. De verieninge bestaot vuuf jaor en omdawwe dat in disse tied niet vieren kunnen, kriegen alle leden zoeín prachtig boeket rozen. Hiel mooi!
  Ik hebbe de literaire thriller De ingreep van Carla de Jong lezen. Eerder las ik van disse schriefster Geheim leven en Serpent. Ze is zonder meer ien van de betere Nederlaanse thriller-schrievers. In De ingreep krigt Mensje Kramer een baene anbeuden in et managementteam van et ziekenhuus daor ze zels krek een zwaore opperaosie ondergaon het. Mar die baene levert nogal wat argernissen op. Ze kan niet goed akkederen mit Rita Jansen, et heufd van et team, want die speert echt gieniene. Een misselik rotwief is dat! Een aekelik sekreet! En dan vaalt Rita op heur hoge hakken van de trappe. Dood! Niks an verleuren, daenk ik dan as lezer. Mar is Rita wel gewoon valen of het ze lichtkaans een drokkertien kregen? Chirurg Wim Grondman wodt oppakt. Hiíj zol dat drokkertien geven hebben en hiíj bekent ok. Mar het Wim et wel daon? De pelisies Birgitta en Hamilton perberen uut te vienen wat dír echt gebeurd is. En netuurlik het hiel iene aanders et daon! Een mooi en spannend boek. Et is ok aorig van opzet. Ieder heufdstok gaot iederkeer over ien van de heufdfeguren van et boek. Carla de Jong is trouwens een aachternichien van kammeraod Jelle uut Sneek. Jelle het dus een aachternichien die mooie boeken schrift en een kammeraod die mooie boeken schrift. Dan hejí et toch wel troffen in et leven!


Naor de veurige bladziede