3 augustus 17.00 Gister kwammen Harry en Frans in de loop van de middag even an. Die weren an et fietsen en hadden wel zin an wat drinken en een peer stokkies keze. We hebben genoeglik even praot en zullen halverwege augustus een keer mit n drienend uut eten
  Vandemorgen lag dr een dooie molle in de tuun, daor zullen de katten van de buren wel schuld an hebben. Waoromme moet alles toch altied doodmaekt wodden?
  Aj zoen betien verslaafd binnen an Scandinavische thrillers zoas ik bin, valen de thrillers van Nederlaanse thrillerschrievers mij meerstal tegen. Ze zitten vaeke lange niet zo goed, spannend en intelligent in mekeer, bin vaeke vule vlakker. Lange niet zo boeiend om te lezen. Zo gaot et mij temeensen. Mar dr bin vanzels ok wel uutzunderings. Ik hebbe now de psychologische thriller Serpent van Carla de Jong lezen. Et begint mit een erotische scne en dat is altied wel an mij besteed. Dan bin k dr drekt volop bij! Butendat is Carla et nichien of aachternichien, dat wee k nooit percies, van kammeraod Jelle uut Sneek. En dat vrommes kan dus verdikkeme mooi schrieven! Dit is et twiede boek dak van heur lezen hebbe. Eerder las ik Geheim leven. In Serpent wodt Ragna Ooms vermoord en die moord zorgt veur een protte onrust in de psychiatrische kliniek daor as ze warkte. Rechercheur Birgitta Reve verwondert heur over de persoonlikhied van et slaachtoffer. Ragna was uutbundig, sexy en wellustig! Mar ze hadde ok een aandere kaantSerpent is een mooi en spannend boek!


Naor de volgende bladziede - Naor de veurige bladziede