5 augustus Ė 17.00 Ė Ik bin vandemorgen eerst op íe fiets naor de biebeltheek in Wolvege west en doe bin ík naor de mark west om proemen. Ik hebbe drie pond kocht. Een vrouw zee dat ze mien laeste kraantekollum zo mooi vunnen hadde. Mooi zo! Biíj de Lende langes bin ík naor de Driewegsluus fietst. Daor heík op et terras van et paviljoen wat eten had. Etzelde twaelfuurtien as gister op et terras van Ie-Sicht, mar dan gruuntesop in plak van broccolisop. Biíj de Scheene zag ik al riepe brummels. Ik hadde dír trouwens op rekend, dus haík een plestieken tassien mitneumen. Ik hebbe nog nooit eerder zo vroeg zokke mooie, dikke brummels plokt! De klimaotveraanderingÖ Dit is wel aorig, mar de kiender van now zullen in alle omvang de ellende mitmaeken gaon. In wezen zal de hoogmoed van et meensdom ofstraft wodden deur de netuur. Ik bin deur de Braandemeer fietst en doe deur Hooltwoolde naor Wolvege. Daor heík in de Poiesz een peer extra pakken geleisuker kocht. Dat haík gister vanzels doen moeten, doe heík aovens nao et botienveren bosschoppen daon biíj een Poiesz in Liwwadden daor aík altied vlakbiíj langes komme. Dat doe ík wel vaeker. Mar ja, doe waík wel op proemen veurbereid mar niet op brummels. Dat wodt vanaovend dus sjemkoken! Biíj de Lende langes bin ík weer naor huus fietst. Mit mekeer vandaege 58 kilemeter! Hieronder twie fotoís van vandemiddag. Disse boten laggen allemaole te waachten biíj de Driewegsluus om naor Overiessel te kunnen. Ik hebbe haost nooit eerder zokke lange slierten boten in een file liggen zien te waachten biíj de Driewegsluus. Dír blieven now vanzels meer meensken in Nederlaand en dír bin vule meer boten verkocht en verhuurd. Meensken willen toch watÖ


Naor de volgende bladziede - Naor de veurige bladziede