25 jannewaori – 17.00 – Ik hebbe et boek Der Trauerschnäpper/De bonte vliegenvanger van Tonko Ufkes lezen. Prachtig! Veur et titelverhael kreeg Tonko in 2019 de Freudenthal-Preis, de belangriekste Duutse pries veur Nedersaksische literetuur. Vervolgens het uutgeveri’je agenda Verlag in Münster dit boek uutgeven van de prieswinner. Tonko het zels vuuf van zien meerst wat langere verhaelen vertaeld vanuut et Westerkertiers in et Nederlaans en zien vrouw Maria het ze vervolgens vertaeld in et Duuts. De ondertitel van et boek is dan ok Deutsch-niederländische Kurzgeschichten. Et risseltaot is prachtig! Tonko kan schitterende verhaelen schrieven. Hi’j is ien van de beste Nedersaksische schrievers. En wat verhaelen anbelangt... zeker een groot veurbeeld veur mi’j! Et boek is nommer 33 in de Kleine Reihe Literatur. van de uutgeveri’je.


Naor de veurige bladziede